هدية ومفاجأتنا الحلوة النهاردة للبنات وبس
منحة تدريبية مجانية هيتعلموا فيها مهارات متنوعة
برنامج Girls Make هو منحة مجانية بالكامل مُقدمة من شركة Chevron للطاقة البشرية، بالتعاون مع شركة San3a Tech ووزارة البترول والثروة المعدنية - مصر .
- شروط الحصول على المنحة ومتطلبات التقديم:
📍أن تكون المتقدمة في مدرسة حكومية مصرية (يستثنى من التقديم طالبات مدارس STEM أو أي مدرسة تقنية).
📍 أن تكون المتقدمة في المرحلة الإعدادية أو الثانوية (تحديداً البنات اللي هتبدأ الدراسة في الصف الثاني الإعدادي ولحد البنات في الصف الثاني الثانوي سبتمبر ٢٠٢٤).
📍أن تكون المتقدمة مقيمة بإحدى المحافظات التالية (القاهرة - الشرقية - الدقهلية - الإسكندرية - الإسماعيلية - أسيوط - أسوان).
بعد مرحلة التقديم، هيتم تقييم الاستمارات، وإبلاغ البنات اللي تأهلت للمرحلة التانية وهي مرحلة المقابلات الشخصية ومنها لمرحلة القبول والانضمام للبرنامج!
لو بتتوافر فيكِ الشروط، متفوتيش الفرصة وبادري بالتسجيل في المنحة دلوقتي من هنا: https://forms.gle/uvGqieUSbGUAxB7YA
- أهمية المنحة للبنات:
ليه منحة girls make مهم للبنات؟؟ لأنها بتعلمهم مهارات شخصية مهمة من بينها
التواصل مع الآخرين بطريقة فعالة ومشاركتهم الآراء والأفكار
العمل الجماعي وأهمية توزيع المهام واحترام اختلاف وجهات النظر
التفكير النقدي وتحليل الأفكار بطريقة موضوعية تقودنا لقرارات منطقية
الإبداع والابتكار والتفكير خارج الصندوق
تحديد الأولويات بناء على الإطار الزمني المحدد وبالتالي فاعلية إدارة الوقت
التوثيق وصناعة المحتوى من كتابة وتصوير وصناعة فيديوهات وكيفية استخدامهم في العرض التقديمي لمشروعاتهم
إدارة المهام وتنفيذها بالشكل الأمثل من خلال المهارات المكتسبة من المنحة
- المراحل التعليمية والتدريبة للمنحة:
في المنحة اللي مدتها 10 أسابيع البنات بيمروا بمراحل مختلفة من التعلم
يعني في المرحلة الأولى بيتعرفوا على ادوات وماكينات التصنيع الرقمي وكمان بيتعلموا التعامل مع الطابعة ثلاثية الأبعاد وماكينة قطع الليزر
وكمان هيصنعوا نماذج وأشكال أولية من مكونات بسيطة
اما المرحلة الثانية فبيتعلموا برمجة الاردوينو وأساسيات بناء دوائر كهربائية ذكية وده هيساعدهم في تصنيع روبوتات ذكية أو حتى آلة موسيقية
بالإضافة لتعلم التعامل مع ملحقات لوحة الأردوينو زي الحساسات والمحركات عشان يعرفوا يتحكموا في الأجهزة
وطبعا هيطبقوا كل اللي اتعلموه في مشروع حقيقي متكامل
المرحلة التالتة ودي بيشاركوا فيها بكل المهارات التقنية اللي اتعلموها في مشروع هاكاثون "المدينة الذكية"
المشروع بيتيح ليهم اختيارات واسعة من المشكلات اللي هيشتغلوا على تطوير حلول إبداعية ليهم
المرحلة الرابعة البنات بيتعرفوا فيها على تصميم المجسمات وبيتعلوما استحدام برنامج "تنكر كاد" للتصميم ثلاثي الأبعاد
وكمان بيعرفوا ازاي يحولوا ملف التصميم لصيغة متوافقة مع الطابعة الثلاثية الأبعاد وماكينة القطع والحفر بالليزر
وبيتعلموا الإعدادت المختلفة لكل ماكينة وطريقة التحكم في الشكل النهائي للمنتج اللي هيصنعوه
وفي نهاية المرحلة دي بيكونوا قدروا يوصلوا لأفكار منتجات يقدروا يشتغلوا عليها سواء أشكال فنية أو أجهزة أو حلول ذكية لتحديات متنوعة
المرحلة الخامسة بيتعرف فيها البنات على منهجية وخطوات التفكير التصميمي وازاي يقدروا يتنبنوها في إيجاد أفكار لمشروعاتهم وتصميمها وتنفيذها
وفي نفس المرحلة هيقابلوا أفراد ومؤسسات من خلال تجربتهم وهيقدروا يتعرفوا على التحديات المجتمعية أو الشخصية اللي بيمروا بيها
اما المرحلة السادسة والأخيرة وخلالها البنات بتقدر تبتكر حلول إبداعية لتحديات مجتمعية في مجالات مختلفة من خلال مشروعهم بناءا على مبادئ التفكير الصميمي اللي اتعلموها
وكمان هيوظفوا مهاراتهم التفنيية المكتسبة طول فترة المنحة وتدمجها في مشروع ذكي متكامل
وفي نهاية المرحلة هتقدر كل بنت تعرض مشروعها النهائي وتشاركه مع بقية زملائها في المنحة ويتبادلوا الآراء والأفكار.
ازاي البنات تجاوب على أسئلة استمارة التسجيل ونصايح مهمة ليهم وهنا أهم مبدأ لازم تعرفوه أن مفيش إجابة محددة هي الصح الأسئلة في أساسها هدفها نتعرف على شخصيات البنات وبيفكروا ازاي وهنا اهم نصيحة أن كل بنت تجاوب بطريقتها واسلوبها وبنفسها بدون مساعدة أهلها وطبعا تجاوب وتعبر عن نفسها بكل وضوح بدون اختصار
- مهارات تكتسبها الفتيات من المنحة:
التفكير التصميمي (هتتعلمي منهجية التفكير اللي هتساعدك توجدي حلول مبتكرة وشاملة للمشكلات)
النمذجة الأولية (هتتعلمي تبني نماذج لمشاريعك باستخدام أدوات بسيطة زي الكرتون عشان تقدري تطوري في المشروع قبل التنفيذ)
التصميم بمساعدة الكمبيوتر (هتتعلمي استخدام برامج التصميم ثنائية وثلاثية الأبعاد المختلفة لتصميم مشروعك زي برنامج tinkercad)
التصنيع الرقمي (هتحولي أفكارك وتصميماتك لمشاريع حقيقية باستخدام الطباعات ثلاثية الأبعاد وماكينات التقطيع بالليزر)
برمجة الأجهزة (هتتعلمي تصنعي أجهزة ذكية وتفاعلية عن طريق برمجة الإلكترونيات)
https://www.instagram.com/p/C41GmYTL_Rj/?igsh=MXV3eTM5ZWt1aTFndg%3D%3D&img_index=6
- القائمين على المنحة:
شركة Chevron للطاقة البشرية، بالتعاون مع شركة San3a Tech و وزارة البترول والثروة المعدنية - مصر .
- مدة المنحة:
10 أسابيع
- المحافظات المستهدفة:
(القاهرة - الشرقية - الدقهلية - الإسكندرية - الإسماعيلية - أسيوط – أسوان).
- رابط التسجيل والتقديم بالمنحة:
https://forms.gle/uvGqieUSbGUAxB7YA