هو في منح دراسية ممولة بالكامل بتتكفل بكل
مصاريف السفر والإقامة والأكل والمواصلات؟
لو عايزين تعرفوا الإجابة كملوا معايا للأخر
وطبعا عارفة لو قولتلكم دلوقتي
إنك ممكن تسافر أمريكا 6 أسابيع بالمجان
من غير ما تدفع ولا جنيه
يعني تذاكر الطيران ببلاش
رسوم التأشيرة ببلاش
مصاريف مواصلاتك وتنقلاتك ببلاش
أكلك ووجباتك ببلاش
إقامتك ببلاش
وفوق ده كله هتاخد مرتب شهري بالدولار ومعاه أيباد هدية
محدش منكم هيصدقني
بس خليني اصدمكم واقولكم إني فعلا مبكدبيش عليكم
والسر هنا في سوسي
واللي ميعرفش دي منحة دراسية ممولة بالكامل مدعومة من السفارة الأمريكية
وبرنامج تبادل طلابي بيتعمل كل سنة بس للأسف ناس كتير متعرفوش
وناس أكتر بيعرفوا عنه بعد قفل باب التقديم
عشان كدا جاية أعرفكم النهاردة بيه وأقولكم عليه
الحقوا قدموا على الفرصة الهايلة دي
خصوصا إن شروطها مش تعجيزية زي منح كتيرة
كل الحكاية يكون سنك بين 18 لـ 25 سنة
والإنجليزي بتاعك كويس
وعديت ترم واحد على الأقل من مشوارك التعليمي في الجامعة بنجاح
وكالعادة كل التفاصيل ورابط التقديم موجودين دلوقتي على مدونة إيميز جايد
الحقوا قدموا قبل 7 ديسمبر
وهنا كل تفاصيل المنحة على موقع السفارة الأمريكية
