أهلا بيكم جايين النهاردة نعرفكم على مدارس العالم المتحد وطريقة التقديم خطوة بخطوة
بس الأول لازم نعرف يعني ايه مدارس العالم المتحد
دي باختصار حركة عالمية هدفها جعل التعليم قوة لتوحيد العالم والدول من أجل مستقبل أكثر سلاما واستدامة.
طب وايه الاستفادة هترجع على ولادنا من الاشتراك فيها
نقدر نقول إنها فرصة كويسة ولادنا يخضوا تجربة هايلة في التعرف على ثقافات العالم المختلفة
والدراسة والسفر في الخارج وده زي ما أنتوا عارفين مهم جدا لولادنا
وتأثيره إيجابي بشكل كبير عليهم
غير إنهم هياخدوا شهادة البكالوريا الدولية اللي بتأهلهم للدراسة في معظم جامعات العالم
والميزة الحلوة في الموضوع ده كله إنكم ممكن تطلبوا الاشتراك في المدارس كمنحة كاملة أو جزئية
بعد ما تقدموا المستندات اللي بيطلبوها لإثبات أحقيتكم في الاشتراك بالمجان بالكامل أو حتى بشكل جزئي.
الخبر الحلو بقى إن باب التقديم اتفتح دلوقتي للجنة مصر دفعة 2025- 2027
والتقديم متاح للمصريين وغير المصريين المقيمين في مصر
والشروط المحددة:
- تاريخ ميلادك بين 31 مايو 2007 حتى 31 ديسمبر 2009
- حاصل على شهادة الإعدادية أو ما يعادلها
- مسجل حاليا بالصف الأول أو الثاني الثانوي أو ما يعادلهما
ودي طريقة التقديم بالخطوات هتلاقوها في الدليل ده
https://drive.google.com/file/d/10zfLP7ZZkdJEag-0ortGq80JIq4dymgH/view
ولو عايزين تعرفوا تفاصيل أكتر عن مدارس العالم المتحدة من هنا
والتقديم من هنا