طريقة وشروط التقديم في المدارس المصرية اليابانية

 

في السنين الأخيرة بقى فيه اهتمام كبير من أولياء الأمور بنوع التعليم، مش بس المنهج ولا اللغة، لكن كمان إزاي المدرسة بتبني شخصية الطفل وبتجهزه للحياة. ومن هنا ظهر نموذج المدارس المصرية اليابانية كنموذج مختلف شوية عن التعليم التقليدي اللي متعودين عليه.

المدارس دي بتشتغل بالمنهج المصري الجديد 2.0، لكن المميز فيها فعلًا هو تطبيق أنشطة التوكاتسو اليابانية، واللي مش مجرد حصص زيادة أو أنشطة ترفيهية، لأ دي أسلوب حياة كامل جوه المدرسة.

يعني إيه توكاتسو؟

التوكاتسو باختصار هي أنشطة بتعلّم الطفل ازاي يكون مسؤول، منظم، نظيف، بيعرف يشتغل في فريق، يحل مشاكل، ويعتمد على نفسه.
الطفل في المدارس المصرية اليابانية مش مجرد طالب بيقعد يسمع المدرس وخلاص، لأ… ده بيشارك في:

• تنظيم الفصل

• وضع القواعد

• توزيع الأدوار

• قيادة اجتماعات صباحية ومسائية يومية

• تنظيف الفصل والمدرسة بنفسه

• تعلم عادات صحية زي غسل الإيدين، الأسنان، والنظافة الشخصية

كل ده بيخلي الطفل عنده إحساس بالانتماء للمدرسة، وبيكبر وهو فاهم إن المكان اللي هو فيه مسؤوليته.

النظام التعليمي عامل إزاي؟

الدراسة في المدارس المصرية اليابانية من رياض الأطفال لحد المرحلة الثانوية، وبيتم إضافة صف جديد كل سنة.
حالياً أكبر صف هو الصف الثالث الإعدادي، وده ضمن منظومة التعليم الجديدة.

لغة التدريس الأساسية هي الإنجليزية، مع:

• منهج Connect Plus كلغة إنجليزية مستوى رفيع

• لغة ثانية (فرنساوي)

• بالإضافة لأنشطة التوكاتسو كجزء أساسي من اليوم الدراسي

واليوم الدراسي طويل نسبيًا، من 7:30 صباحًا لـ 3:30 عصرًا، وممكن يزيد حسب طبيعة الأنشطة.

شروط القبول… لازم تبقى عارفها كويس

التقديم بيكون إلكتروني فقط من خلال بوابة المدارس المصرية اليابانية، ومفيش أي تقديم ورقي أو استثناءات.

وده لينك البوابة الرسمية للمدارس المصرية اليابانية:
https://ejs4students.moe.gov.eg/ 

أهم الشروط:

• التقديم حاليًا لرياض الأطفال فقط (المستوى الأول والثاني)

• الطفل لازم يكون مصري الجنسية

• الالتزام بالسن المحدد حسب تاريخ 1 أكتوبر 2026

• الاختيار بيتم على مرحلتين: السن الأكبر، ثم المقابلة الشخصية

• مفيش أي استثناءات في السن أو الكثافة

  جدول السن:

  
  
   

وكمان شرط مهم جدًا:
الإقامة في نفس النطاق الجغرافي للمدرسة، وده بسبب طول اليوم الدراسي، ولازم يكون مثبت في بطاقة الرقم القومي أو مستند رسمي من 6 شهور على الأقل.

مفيش تحويلات ولا تنقلات

بعد قبول الطفل:

• مفيش تحويل بين المدارس اليابانية

• مفيش نقل داخل نفس النطاق

• أي تحويل بيكون بتقديم جديد السنة اللي بعدها وفي حالة وجود مكان

المصروفات… كام؟

مصروفات القيد الجديد للعام الدراسي 2026 – 2027 هي:
20,600 جنيه مصري
وده غير:

• الزي المدرسي (إجباري)

• الكتب الدراسية (بيصدر لها قرار وزاري منفصل)

السداد متاح:

• كاش في المدرسة

• من خلال بنك مصر

• أو بالتقسيط على 3 أقساط (أسبوع من القبول – نوفمبر – يناير)

وفي قواعد واضحة جدًا لاسترداد المصروفات حسب توقيت الانسحاب.

شروط التقديم في المدارس المصرية اليابانية

قبل ما تفكر تقدم لطفلك في المدارس المصرية اليابانية، لازم تبقى عارف إن التقديم ليه شروط واضحة ومفيش فيها استثناءات، وده حفاظًا على مبدأ تكافؤ الفرص بين كل المتقدمين.

أولًا: مين يقدر يقدّم؟

• التقديم متاح فقط لرياض الأطفال المستوى الأول والمستوى الثاني.

• الطفل لازم يكون مصري الجنسية.

• لا يُقبل أي طفل أحد والديه غير مصري أو حاصل على شهادة ميلاد بجنسية غير مصرية.

ثانيًا: شرط السن (مهم جدًا)

• سن الطفل لازم يكون مطابق تمامًا للشريحة العمرية المحددة للمرحلة اللي هيقدم عليها.

• السن بيتحسب في 1 أكتوبر 2026.

• مفيش أي استثناءات في السن تحت أي ظرف.

ثالثًا: آلية القبول

القبول بيتم على مرحلتين:

1. التنسيق الأول (مبدئي)
   بعد غلق باب التقديم، الأطفال بيتترتبوا حسب الأكبر سنًا.

2. التنسيق النهائي (الأساسي)
   وده بيعتمد على المقابلة الشخصية للطفل وفق قواعد محددة ومعتمدة.

رابعًا: التقديم الإلكتروني فقط

• التقديم بيكون حصريًا عبر بوابة المدارس المصرية اليابانية الإلكترونية.

• لا يُنظر لأي طلب ورقي أو متأخر أو مقدم بأي وسيلة أخرى.

• تسجيل البيانات لازم يتم مرة واحدة فقط، وأي تكرار يؤدي لحذف الطلب تلقائيًا.

خامسًا: شرط الإقامة الجغرافية

• لازم يكون محل إقامة ولي الأمر في النطاق الجغرافي للمدرسة المتقدم لها.

• العنوان لازم يكون مثبت في بطاقة الرقم القومي أو مستند رسمي يرجع تاريخه لـ 6 شهور على الأقل قبل التقديم.

• بعد القبول، لا يسمح بنقل الطفل لأي مدرسة يابانية أخرى داخل أو خارج النطاق.

سادسًا: عدم القبول فوق الكثافة

• لا يتم القبول فوق الكثافة نهائيًا.

• لا توجد أي استثناءات سواء في العدد أو السن طبقًا للقرار الوزاري رقم 171 لسنة 2019.

سابعًا: التزام ولي الأمر

ولي الأمر بيوقّع على إقرار بالموافقة على:

• تطبيق نظام التوكاتسو بالكامل داخل وخارج المدرسة.

• الالتزام بلوائح المدرسة (السلوك – الزي – المظهر العام).

• تقديم 20 ساعة خدمة تطوعية سنويًا للمدرسة.

• الالتزام بسداد المصروفات في مواعيدها المحددة.

ثامنًا: الحالات الخاصة

• في حالة الأطفال من ذوي الاحتياجات الخاصة، التقديم بيتم ورقيًا فقط للمدرسة مع تقديم كل التقارير الطبية.

• يتم عرض الحالة على لجنة مختصة بوزارة التربية والتعليم لتحديد القبول من عدمه.

 وللتعرف على الشروط والقواعد بشكل تفصيلي موجودة في هذا اللينك:

https://ejs4students.moe.gov.eg/disclaimerstudents/ 

 

ودي خطوات التقديم بالترتيب زي ما أعلنت عنها المدارس المصرية اليابانية