مواقع تعليم الرسم للأطفال

 

موقع How to Draw for Kids

لينك الموقع: https://howtodrawforkids.com/

الموقع ده يعتبر من أكتر المواقع اللي الأطفال بيحبوها فعلًا

الفكرة فيه بسيطة جدًا: كل درس عبارة عن خطوات مرسومة واحدة ورا التانية، والطفل بيقلدها لحد ما يطلع معاه شكل كامل.

يعني مثلًا ممكن يتعلم يرسم قطة، عربية، أو حتى شخصية كرتونية بيحبها.

الجميل كمان إن الخطوط في الشرح واضحة جدًا، والدروس متقسمة حسب الصعوبة، فالأطفال الصغيرين ممكن يبدأوا بالحاجات السهلة، ومع الوقت يتطوروا لوحدهم.

كمان تقدر تطبع الدروس لو عايز ابنك يتدرب على الورق مش الموبايل.

موقع Super Teacher Worksheets

لينك الموقع: https://www.superteacherworksheets.com/learning-to-draw.html

الموقع ده مش بس لتعليم الرسم، لكنه كمان بيقدّم أوراق عمل تعليمية للأطفال في مجالات كتير، منها الرسم

تقدر تدخل على قسم "Learning to Draw" وتحمّل ملفات PDF جاهزة، فيها رسومات بسيطة خطوة بخطوة.

يعني الطفل يرسم بنفسه ويتعلم في نفس الوقت، وده بيساعده على التركيز وتحسين التنسيق بين إيده وعينه

الموقع مناسب جدًا لأطفال الحضانة والابتدائي، خاصة لو لسه بيتعلموا إمساك القلم بشكل صحيح أو بيحبوا يلوّنوا.

ثالثًا: موقع Kindergarten Mom

لينك الموقع: https://kindergartenmom.com/kindergarten-worksheets/

الموقع ده من أكتر المواقع اللي بتحبها الأمهات

لإنه بيجمع بين التعليم والمرح. مش بس بيعلّم الرسم، لكنه كمان بيقدّم أنشطة تعليمية للأطفال الصغيرين زي تعلم الحروف، الأرقام، والألوان.

وفي قسم مخصوص لتعليم الرسم بخطوات بسيطة جدًا ومناسبة لأي طفل في سن 4 إلى 7 سنين.

تقدر كمان تنزل الأنشطة وتطبعها، بحيث ابنك يرسم على الورق بنفسه بعيد عن الشاشات.

الموقع متصمم بشكل مريح وسهل الاستخدام جدًا، يعني حتى لو ابنك هو اللي بيدخل عليه بنفسه، هيعرف يتعامل معاه بسهولة.

تابعونا على انستجرام حالا

لو بتدوروا على منح وفرص سفر من هنا

https://www.instagram.com/emyabazaguide/