أحسن موقع لتعليم البرمجة والكودينج للأطفال.. مجانا

تعرفوا أن أول من استخدم البرمجة في العالم

كانت ست اسمها آدا لوفيلس

واللي كتير من الناس بتعتقد أنها أول من نشرت خوارزمية تنفذها آلة  

طيب عارفين أن العالم دلوقتي فيه 700 لغة برمجة 

طيب عارفين أن مرتبات المبرمجين دلوقتي 

ممكن توصل لـ 50 ألف دولار في الشهر الواحد 

طب خدوا الكبيرة بقى تعرفوا إن فيه موقع 

تقدروا من خلاله تساعدوا أولادكم الصغيرين 

يعرفوا عن البرمجة ويبدأوا من خلاله يتعلموا عن الكودينج زي باسل وتوتة 

كل ده موجود على موقع  Scratch

وده من أسهل وأظرف المواقع

لأنه شبه القصه وبيوفر للطفل حرية الاختيار و بالتالي الإبداع

فبيلعب و يشتغل عليه وهو فعلا مستمتع و مبسوط

ويقدر يضيف عليه صور من الإنترنت أو من رسوماته اللي رسمها بنفسه

يقدر كمان يصمم شخصيات ألعابه بنفسه و مش قادرة اقولكم كمية الانبساط من الحركة دي بجد

لأ وكمان يقدر يضيف أصوات أو يسجلها بصوته

مش هاتصدقوا اللزازة اللي بيعملوها ولا ال creativity و الخيال

ولحبايبنا الصغننين اللي لسه مش بيعرفوا يقرأوا

مش ناسينهم طبعا بالعكس

ها نبدأ معاه/*م بطريقة ابسط كمان

واللي هي Scratch JR

سكراتش قوي جدا في توصيل مفاهيم البرمجة والتفكير المتسلسل والمنطقي باللعب

واللي هي طريقتي مع ولادي

واديني بشجعكم كمان تبقى دي طريقتكم مع ولادكم

 تقدروا توصلوا للموقع المهم ده من هنا:

https://scratch.mit.edu/

تابعونا لسه معانا حاجات حلوة كتير

نتعلم و نعرف عن كل حاجة.. بالانبساط