كلنا بقينا مشغولين طول الوقت
ومش لاحقين نعمل حاجات كتير من اللي بنحبها
وأنا زي كتير منكم بحب القراءة والكتب
بس فين الوقت اللي يسمحلي امسك كتابي واقرأ
عشان كدا جايبلكم النهاردة هدية حلوة ومجانية
هترجعنا للكتب من التاني
بس المرة دي مش هنقرأها هنسمعها
تطبيق منطوق حل مثالي لكل الناس اللي بتحب القراءة
بس معندهاش وقت
تفاصيل تطبيق منطوق
والتطبيق مليان مزايا في مقدمتها أنه مجاني بالكامل
ومش بس كدا ده كمان تقدروا تستمتعوا بمحتواه المختلف من غير إنترنت
بمجرد ما تحمل الكتاب اللي حابب تسمعه لمرة واحدة
تقدر بعد كدا تسمعه في أي وقت تحبه سواء بإنترنت أو بدون إنترنت
التطبيق عليه أكتر من 400 كتاب صوتي في مختلف المجالات ومحتواه بيتجدد باستمرار
والميزة الحلوة أوي كمان في التطبيق ده إنه بيفتكر كل ما تفتحه أنت واقف فين في الكتاب اللي بتسمعه دلوقتي
وبيبدأ مباشرة من حيث انتهيت أخر مرة
كمان بتقدر من خلاله تزود من سرعة تشغيل المحتوى زي ما بتعمل في رسايل أصحابك على واتس اب
التطبيق مفيد جدًا بالأخص للناس اللي بتقضي وقت طويل في المواصلات أو في المطبخ زيي
تقدروا تعرفوا تفاصيل أكتر عن التطبيق من خلال الموقع الرسمي
وده لينك تحميله للأندرويد:
https://play.google.com/store/apps/details?id=ca.basira.mantooq&hl=ar&gl=US&pli=1
وده لينك تحميله للأيفون:
https://apps.apple.com/ca/app/%D9%85%D9%86%D8%B7%D9%88%D9%82/id1624497481