ولأ مش محتاجين تسافروا
بالعكس.. دي موجودة في مكان غالبا روحتوه قبل كده
لكن اكيد ماشوفتوهاش
ميني اكواريوم صغيرة كده سرية ومستخبية
في جنينة الأسماك 🐟
هاتلاقوا فيها سمك 🐠 وسلاحف 🐢 وكمان تماسيح 🐊
غير المتحنط كمان
تصبيرة للولاد لغاية ماربنا يكرم وتسافروا بيهم
وتزوروا اكواريوم الغردقة كده ولا دبي 🇦🇪
المعمل البحثي والتطبيقي في حديقة الأسماك
هاتشوفوا تماسيح وانواع سلاحف مختلفة وسمك وجمال ألوانه سبحان المبدع
وهناك هايشرحولكم
فده مدخل ظريف لمعلومات كتير
نبني احنا عليها بأه وندور ونعرف اكتر
نخلصه وندخل على مغامرة في ال Grotto
اللي هيا المغارة الكبيرة جدا دي
هانشوف فيها سمك صاحي ومتحنط كمان
وفيها فرصة نادرة نشوف face to face الخفافيش
ونسمع صوتهم المميز ونتفرج عليهم وهما طايرين
نخرج بأه
ونتمتع بالجنينة نفسها
ونقضي وقت حلو اوي بين الورد والأشجار النادرة
الولاد اخترعوا لعبة تخمين و بدأوا يجمعوا ال score
اتبسطوا أوي وهما بيخمنوا كل شجرة جت منين
قبل ما يقرأوا من ال label 🏷 اللي عليها
ويعرفوا تخمينهم صح ولا ايه
أول ماتدخلوا الجنينة هاتشوفوا العصافير ال cute دي
وفي كمان بط ووز
وشوفنا كمان الهدهد والغراب وطبعا قطط كتير
فرصة حلوة نتكلم مع الولاد عن تنوع وجمال مخلوقات ربنا
الجنينة واسعة جدا
وعند الشجرة الكبيرة أوي دي
مكان واسع
مناسب جدا لو ولادكم صغيرين وعندهم عجل أو العربيات الصغيرة دي.. هايتبسطوا هنا اوي
وفي كراسي
وممكن تاخدوا معاكم حاجة تقعدوا عليها
وتعيشوا في دور ال picnic
وتعيشوا أجواء فسح زمان
وممكن تاخدوا معاكم كورة اوحبل اولعب تلعبوا مع بعض
وكلنا ناخد هدنة من الموبيلات
وقصادكوا هاتلاقوا kids area مراجيح وزحاليق و See saw وبيت خشب وتسلق وانبساط
في الجنينة في مسجد 🕌 و toilets 🚻 وكافتيريا
وكمان نوافير كده وحنفيات ممكن نملى منها مية
بخمسة جنيه وبس
فرصة كلنا نفصل عن الشاشات
ونعيش ونستمتع بالطبيعة وإبداع ربنا
الحقوا زوروها واستمتعوا بالجمال ده كله
قبل ما تتقفل للتطوير
عنوان الحديقة: شارع الجبلاية بمنطقة الزمالك أقرب محطة مترو صفاء حجازي
ومواعيد الزيارة كل أيام الأسبوع ما عدا الثلاثاء من الساعة ٩ الصبح لحد الساعة ٥ مساءا
وهنا فيديو شامل لمعظم مقتنيات المكان لو عايزين تعرفوا تفاصيل أكتر:
https://vm.tiktok.com/ZMr8hXr4v/
