هو ينفع أزور قصر ومكتبة ومدفعيش غير 2 جنيه بس
مع إيمي أباظة ينفع جدًا لأني جايبلكم النهارة مكان خطير ومهم
قصر تحفة جميل جدًا
وفي نفس الوقت مكتبة مليانة بالكتب والمؤلفات النادرة والقيمة
قصر الأميرة سميحة كامل اللي بيضم مكتبة القاهرة الكبرى بالزمالك
القصر موجود في حي الزمالك
واتبنى سنة 1320 هجريا/ 1902 ميلاديا
على يد
عبلة القطاوي حفيدة موسى القطاوي التاجر اليهودي المصري وكبير الطائفة اليهودية في مصر.
قبل ما تشتريه الأميرة سميحة بنت السلطان حسين كامل حاكم مصر من عام 1914 حتى 1917
الأميرة سميحة كانت فنانة
محبة لمختلف الفنون بشدة
وكانت وصيتها ان القصر يكون منارة ثقافية ملهمة
وبالفعل القصر اتحول سنة 1995 ميلاديا لمكتبة القاهرة الكبرى، اللي بتتصنف كواحدة من أكبر المكتبات العامة في جمهورية مصر العربية.
القصر مبني على الطراز الإسلامي الأندلسي
وبيتكون من بدروم وثلاثة أدوار
البدروم بيضم الجزء الأكبر من مكتبة القاهرة الكبرى
والأدوار العلوية مليانة برضو بكتب ومخططات نادرة وقيمة ورسومات توضيحية لمعالم القاهرة القديمة وخرائط قديمة
وفي الدور التالت قاعة دائرية كانت بتستخدم مرسم للأميرة سميحة.
العنوان بالتفصيل شارع محمد مظهر بحي الزمالك أقرب محطة مترو صفاء حجازي
ومواعيد الزيارة كل يوم من 9 الصبح لحد 4 العصر ما عدا الإجازات الرسمية والأسبوعية
والمفاجأة الحلوة اوي اللي فرحتني انا والولاد
قاعة مكتبة جوا المكتبة للأطفال
مش بس كومبيوترز وكتب وقصص كتير
لأ كمان بيشتغلوا ورش فنية حلوة اوي
