كل تفاصيل ورابط التقديم في كورسات منتدى الطفل المصري

أنتوا ازاي متعرفوش إنكم تقدروا تعلموا ولادكم مجالات كتير مهمة 

زي البرمجة والتطبيقات والتقديم الإذاعي والمراسلين الإعلاميين 

وكمان الذكاء الاصطناعي والروبوتات غير الورد والاكسيل والباور بوينت 

وكله بالمجان وبشهادات معتمدة من المجلس القومي للطفولة والأمومة 

من خلال كورسات منتدى الطفل المصري 

لو ما تعرفوش منتدى الطفل المصري أحد البرامج الحكومية لتطوير مهارات الأطفال 

وبدأ في محافظات المنيا والإسكندرية وبني سويف والغربية 

وشغالين دلوقتي على تطبيقه في كل المحافظات المصرية 

الكورسات كلها اون لاين مش هتحتاج منكم خروج من البيت 

وبتستهدف الأطفال من سن 6 سنوات لـ 12 سنة 

وأكبر ميزة شايفينها في كورسات البرنامج أن كل مدربيه 

من الأطفال المميزين الشطار يعني اللي هيشرح لطفلكم المحتوى

طفل زيه وقريب منه في السن وده هيساعد كتير في عملية الفهم والاستيعاب 

تقدروا تقدموا على كورسات منتدى الطفل المصري 

من خلال الفورم دي: 

https://docs.google.com/forms/d/e/1FAIpQLSfkommK9Amozsg8-f5pKMUj8AN5yCSFw0lVVZ3uyuXaJ5CUBg/viewform?fbclid=IwY2xjawDUYRJleHRuA2FlbQIxMAABHVESnQ4ZskCuQmcrngTSsdqR8-jlba2qvbLbdptqzqjionQRbr8GbbBeCg_aem_AUXU9VPQqb0i49fFeCiWDyQYYq294acW8kY58NYQ_JJK174wzprQZqQyIXSZBzJGYs3xnxt1eiF9ZI0j0lcpKWIy