أفضل كورس في الذكاء الاصطناعي.. شامل ومجاني

سألتوني كتير على كورسات في الذكاء الاصطناعي 

بس كان لازم اصبر لحد ما يظهر كورس مفيد فعلا 

شامل وكامل والأهم مجاني 

مش مجرد فيديو أو اتنين بيتكلموا عن أداة معينة 

والحمد لله نتيجة الصبر جت علينا بكورس هايل 

عامله نموذج مصري مشرف 

وبتكلم هنا عن كورس الأستاذ عمر ماهر في الـ AI 

واللي يعتبر تلخيص لتجربة 15 سنة من التعاون مع شركات ومؤسسات حكومية 

في أكتر من دولة عشان يخرج علينا بكورس هايل وشامل 

وفوق ده كله بالمجان تماما متاح على يويتوب 

بالإنجليزي ومتاح ترجمته للغة العربية من إعدادت الفيديو 

عشان كل الناس تقدر تستفيد وتتعلم منه 

وبالأخص أصحاب الشركات والمؤسسات 

عشان هيعرفهم على أدوات كتير ممكن استخدامها في تحسين إنتاجية شركاته 

وتسيير أعمالهم بشكل أكثر جودة وفي وقت قياسي 

بيقول الأستاذ عمر عن الكورس على حسابه على فيس بوك:

«كنت دايما بحس في فجوة رهيبة في ان ازاي غير المتخصصين في مختلف المجالات (مديرين، رؤساء شركات.. الخ) يقدروا يفهموا "القدر الكافي" عشان يقدروا يطبقوه بجد في شركاتهم ويطلّعوا منه قيمة كبيرة (زيادة أرباح، توفير تكاليف، تحسين خدمة عملا..).

يعني فيه كورسات كتير بتخاطب المبرمجين، وفيه شوية حاجات لغير العاملين بالAI بس غالبها high level شويتين وممكن تتعلم منه حاجات لطيفة، بس فعليا مش هيساعدك تتحرك وتنفذه بشكل يعمل فرق كبير. المهم قعدت سنة ونص تقريبا بعمل كورس يسد الفجوة دي، وقررت اخليه مجاني عشان أكبر قدر من الناس يستفيد..

الكورس فيه عصارة تجربتي المتواضعة في مساعدة شركات عالمية كتير في تطبيق التكنولوچيا الجميلة دي. الأهم ان كل حلقة تقريبا معاها tool مجانية برضه عشان تساعدك تطبق اللي اتعلمته».

 

الكورس زي ما قولتلم موجود على يويتوب 

وتقدروا توصلوله بكل سهولة من خلال اللينك ده: 

https://www.youtube.com/playlist?list=PLz8dYmVKybxZxzmYqDseN0rON9eCiAxdG