قصر عائشة فهمي.. تاريخ من الفخامة والدخول بالمجان

شايفين الجمال اللي في الصور

كأننا دخلنا قصر فيلم الجميلة والوحش

احب اقولكم ان زيارة القصر الوهمي ده مجاااااانااااااا

فرصة هايلة مش هتكلفكم غير المواصلات وبس

ولكن زيها زي اي فرصة.. وقتها محدود

القصر بيتفتح للزيارة فى أوقات المعارض وبس

ودلوقتي مفتوح ولغاية ١٥ اكتوبر وشكرا.. الحقوا روحوا

قصر عائشة فهمي

لكن اسمحولي قبل ماخودكم في جولة في القصر

تعالوا اعرفكم الأول على عائشة فهمي

عائشة فهمى هي اخت علي باشا فهمي -كبير ياوران- الملك فؤاد الأول "المسئول عن ادارة القصر الملكي"

بعد وفاته اشترت عائشة نصيب أخواتها في القصر علشان يكون ملكها ودفعت فيه 72 الف جنيه واللي كان رقم كبير جدا وقتها

وتزوجت من الفنان الكبير يوسف بيك وهبي وعاش معها في القصر لسنوات طويلة وتوفت في عام 1962

القصر عبارة عن تحفة فنية على النيل مباشرة

صممها المهندس الايطالي انطونيو لاشاك على الطراز الإيطالى الكلاسيكي سنة 1907

في أرقى مناطق الزمالك

وبيتكون من دورين

الدور الأول فيه 6 غرف

ال 3 غرف اللي على اليمين

بيطلو عل النيل وبيسموهم الغرف الصيفية

وال 3 اللي على الشمال

الغرف الشتوية ومنهم غرفة البلياردو

وبتتميز بالمدفئات التراثية الجميلة

والنقوش في السقف وأرضياتها المعمولة من الباركيه المشغول

والدور التاني جميل جدا

وأحلى ما فيه الغرفة الحمراء اليابانية

اللي اهداها السفير الياباني لعائشة فهمي

وهي في الحقيقة غرفة مبهرة جدا

فيها نقوش تراثية يابانية ومصابيح يابانية تقليدية

وبتتميز بتمثالين في جانبي الغرفة مطليين باللون الذهبي

هاتلاقوا واحد منهم في الصور

غرف القصر حرفيا تحف فنية

كل أوضة مستقلة بذاتها

وليها جمالها الخاص.. لون ونقش وزخارف لوحدها

ولوحات من الحرير والكتان وزخارف أوروبية على جوانب الحوائط

الشبابيك الخارجية كبيرة ومن الزجاج المعشق

والوانه تحفة زي ما باين يعني

الأرضيات معظمها من الباركيه والشياكة كلها

جنينة القصر حلوة اوي غير طبعا انها على النيل

لازم بجد تروحوا تتفرجوا عـلى التحفة الفنية المعمارية

اللي اتبنت في اول القرن العشرين

لان بجد يعني عيب يبقى عندنا الجمال ده كله

وكمان من غير تكت اصلا

و ما نعرفش عنه حاجة !!

المعرض شغال لغاية ١٥ اكتوبر وبس.. انجزوا والحقوه

المواعيد : كل يوم

من الساعة ٥ ل ٩ مساءاً

العنوان : ش عزيز اباظة - الزمالك – القاهرة

قدام فندق ماريوت في شارع 26 يوليو

وتحديداً عند منزل كوبري 15 مايو

الدخول بالبطاقة فقط مجااااااااانااااااا

القصر حلو جدا جدا