.png)
لو أنت من عشاق الكورة أو حتى ما بتحبها بس بتدور على فرصة مميزة تجمع بين السفر واكتساب خبرة عملية، يبقى دي فرصتك! دلوقتي تقدر تسافر سويسرا وتتطوع في تنظيم بطولة أمم أوروبا للسيدات 2025.
تفاصيل الفرصة
المكان: سويسرا التاريخ: خلال فترة بطولة أمم أوروبا للسيدات
الجهة المنظمة: الاتحاد الأوروبي لكرة القدم (UEFA) بالتعاون مع اللجنة المنظمة المحلية
المهام المطلوبة
المتطوعين هيكون ليهم أدوار مختلفة زي:
- المساعدة في تنظيم البطولة ولوجيستيات الحدث.
- استقبال وتوجيه الجماهير والضيوف.
- دعم الفرق الإعلامية والصحفية.
- تقديم المساعدة في الملاعب ومناطق التدريب.
- الشغل مع فرق التسويق والعلاقات العامة.
شروط التقديم
- يكون سنك 18 سنة أو أكتر.
- تكون بتعرف تتكلم إنجليزي كويس (ولو عندك معرفة بالفرنساوي أو الألماني يبقى أحسن).
- تكون عندك قدرة على العمل الجماعي وتكون مرن في المهام.
- يكون عندك حب للرياضة وشغف بالتجارب الجديدة.
- وأهم حاجة تكون فاضي طوال مدة البطولة في الفترة من 1 يونيو 2025 لحد بداية يوليو 2025
المزايا المقدمة
- توفير الإقامة والأكل طول فترة التطوع.
- الحصول على زي رسمي خاص بالمتطوعين.
- فرصة لحضور بعض المباريات ببلاش.
- شهادة معتمدة من UEFA تثبت مشاركتك.
- خبرة عملية قيمة في مجال تنظيم الأحداث الرياضية.
إزاي تقدم؟
التقديم بيتم عن طريق الموقع الرسمي للاتحاد الأوروبي لكرة القدم أو من خلال اللجنة المنظمة المحلية، كل اللي عليك إنك تملأ استمارة التقديم وترفق السيرة الذاتية مع خطاب تحفيزي تشرح فيه ليه عايز تشارك في التجربة دي وكل ده قبل نهاية فبراير الجاري
وده لينك التقديم:
ليه تشارك في الفرصة دي؟
التطوع في حدث كبير زي بطولة أمم أوروبا للسيدات بيديك فرصة توسع علاقاتك المهنية، وتطور مهاراتك، وكمان تعيش تجربة حلوة في بيئة دولية. غير كده، هتستمتع بسويسرا وجمالها الطبيعي في وقت فراغك.
لو بتدور على فرص تطوع تانية بص بصة على قسم كورسات ومنح وكمان بص بصة على قسم travel with us هتلاقي حاجات كتير مفيدة.