متحف المخطوطات.. "نروح فين في إسكندرية" الجزء الأول

 📜✨ لو ولادكم بيحبوا التاريخ
وعندهم شغف بالكتب القديمة والنادرة والتراث الثقافي
المكان اللي هقولكم عليه النهاردة هيعجبهم أوي  

تخيل إنك شايف قدامك كتاب عمره مئات السنين
بحروفه الذهبية على ورق بردي أو جلد طبيعي! 🤯
في المتحف ده هتعيشوا تجربة فريدة مع ولادكم
بين أندر وأجمل المخطوطات اللي بتوثق حضارات وثقافات مختلفة عبر العصور

🌟 طيب إيه اللي هنلاقيه جوه المتحف يا إيمي؟
📌 مخطوطات نادرة بلغات مختلفة، منها العربية، اليونانية، واللاتينية، ودي فيها علوم، فلك، فلسفة، ودين!
📌 مقتنيات تاريخية زي أدوات الكتابة القديمة والأحبار اللي كان بيستخدمها العلماء زمان.
📌 مصحف عثماني أثري يُقال إنه واحد من أقدم المصاحف المكتوبة بخط اليد! 😍
📌 قسم لترميم المخطوطات وده جزء ممتع جدًا
 هتشوفوا بنفسكم إزاي بيتم إنقاذ الكتب القديمة من التلف بطرق علمية دقيقة.

💡 طب وليه لازم تزوره مع ولادكم؟
لأنكم مش بس هتشوف مخطوطات
دي رحلة زمنية حقيقية جوه عالم المعرفة القديم
 هتشوف بعينك إزاي أجدادنا كانوا بيكتبوا ويسجلوا العلم قبل الطباعة بقرون!
وبتكلم هنا عن متحف المخطوطات في مكتبة الإسكندرية! 🏛️📖
🎟️ العنوان والتفاصيل:
📍 داخل مكتبة الإسكندرية، منطقة الشاطبي
⏰ مفتوح يوميًا من 9 صباحًا لـ 5 مساءً
🎫 التذاكر بأسعار رمزية جدًا، ومتاحة للطلبة بأسعار مخفضة!

في تذكرة شاملة ومجمعة تقدروا تدخلوا بيها المكتبة الرئيسية 

وكمان متحف المخطوطات ومتحف الآثار ومتحف تاريخ العلوم والمتاحف المجانية
التذكرة بـ 50 جنيه للمصريين وللطلبة المصريين بـ 25 جنيه وللأجانب بـ 300 جنيه

مين راح المتحف قبل كده، يحكلنا عن اللي شافه!
 ولو لسه، مستنين إيه؟ ومتنساش تشحن تليفونك هتصور حاجات كتير مبهرة 📷❤️