استغل صيفك صح.. فرص التدريب الصيفي في البنوك والشركات المصرية

الصيف مش لازم يكون كله خروجات وسهر وبحر (رغم إن ده مهم)، لكن كمان هو وقت ممتاز تقدر تستغله علشان تطور من نفسك، تتعلم حاجات جديدة، وتاخد خطوة لقدام في مستقبلك.

 لو إنت طالب أو طالبة في الجامعة، خصوصًا في كليات زي تجارة، اقتصاد، إدارة أعمال، إعلام، أو حتى هندسة وعلوم حاسبات، فرص التدريب الصيفي في البنوك والشركات الكبيرة ممكن تفرق معاك جامد بعد التخرج.

يعني إيه تدريب صيفي؟ 

التدريب الصيفي ببساطة هو فرصة تشتغل أو تتدرب في مكان حقيقي لفترة مؤقتة (من أسبوعين لشهرين مثلًا)، وتتعلم من جو الشغل العملي، وتحتك بناس عندها خبرة كبيرة في مجالك.
البنوك زي البنك الأهلي، بنك مصر، CIB، QNB وغيرها، بيعلنوا كل سنة عن برامج تدريب لطلبة الجامعات، وكمان شركات كبيرة زي Vodafone، Orange، Nestlé، P&G، PwC، وشركات تكنولوجيا بتوفر تدريبات ممتازة.

ليه التدريب الصيفي مهم؟

• هتتعلم مهارات عملية: مش كل حاجة بنفهمها من الكتب أو المحاضرات. التدريب هيساعدك تربط بين الدراسة والحياة العملية.

• CV بتاعك هيبقى أقوى: أصحاب الشغل بيفرق معاهم إنك عندك تجربة حقيقية أو حتى تدريب بسيط.

• هتعرف نفسك أكتر: جربت مجال معين وحسيت إنه مش لايق عليك؟ برضو كسبت تجربة.

• هتبني شبكة علاقات: يمكن تتعرف على ناس يرشحوك لشغل أو يساعدوك في مشروع أو حتى تبادل خبرات.

أقدم إزاي؟

• تابع صفحات البنوك والشركات الرسمية على فيسبوك، لينكد إن، والمواقع الخاصة بيهم أو ما تتعبيش نفسك وتابعنا على فيس بوك ويويتوب وإنستجرام وتيك توك بنزل كل يوم فرص تدريبيه مختلفة.
  

• حضّر CV كويس، حتى لو بسيط، ويفضل تكتب فيه أي نشاطات أو كورسات خدتهم.

• لما تبعت Email أو تقدم على التدريب، خلي كلامك واضح واحترافي، وبيّن ليه مهتم بالتدريب ده.

• اسأل في الكلية أو قسم شؤون الطلاب، في فرص كتير بتكون داخلية أو من خلال الجامعة.

نصيحة Emy ليك 

خد أول خطوة، متستناش الفرصة تيجي لحد عندك. حتى لو التدريب مجاني أو مدته قصيرة، التجربة نفسها هتفيدك أكتر مما تتخيل.
كل يوم في الصيف ممكن يكون خطوة لقدام، لو استغلّيته صح.

ابدأ من دلوقتي… وخلي صيفك بداية جديدة لمستقبل مهني أقوى!

ودي فرص تدريب متاحة دلوقتي في أكبر الشركات والبنوك المصرية 

تدريب بنك مصر من هنا
https://www.banquemisr.com/ar-EG/Home/Careers/Key-hiring-areas

 تدريب البنك الأهلي من هنا
https://www.nbe.com.eg/NBE/E/#/AR/ProductCategory?inParams=%7B%22CategoryID%22%3A%22Careers%22%7D

 تدريب شركة إتصالات 

http://www.etisalat.eg/etisalat/notification/hr-internship/#/form/internship

 تدريب شركة فودافون 

https://jobs.vodafone.com/careers/job/563018685768377?domain=vodafone.com&hl=en

 لو عايزين تدريبات أكتر لازم تزوروا الموقع ده 

https://www.tadrebk.com/